QyzPU CRIS — пайдаланушы жадынамасы

https://cris.qyzpu.kz — университеттің ғылыми ақпараттық жүйесі: жарияланымдар, зерттеушілер профильдері, бөлімшелер, журналдар, талдау. Тіл — тақырыптағы глобус белгішесі (қазақша / русский / English).

Жарияланымды табу

• Басты беттегі іздеу жолағы немесе мәзірдегі «Жарияланымдар»: атауы, автордың тегі (халықаралық базалардағыдай латынша: Bakirova), DOI, кілт сөз. Іздеу ашық қолжетімді мақалалардың толық мәтіні бойынша да жүреді.
• Сол жақта — сүзгілер: жыл, түрі, автор, кафедра, журнал, БҰҰ Тұрақты даму мақсаттары, индекстелетін базалар, ашық қолжетімділік, тіл. Телефонда — нәтижелердің үстіндегі сүзгілер батырмасы.
• Жарияланым бетінде: профильдерге сілтемесі бар авторлар, журнал, DOI, аңдатпа, PDF (ашық қолжетімді мақала болса), дәйексөздер; «Статистика» батырмасы — қаралымдар мен жүктеулер.

Өз профиліңізді табу

• «Зерттеушілер» мәзірі → тегі бойынша латынша іздеу. Профильде — жарияланымдар, дәйексөздер, Хирш индексі, жылдар бойынша график, ORCID / Scopus / OpenAlex сәйкестендіргіштері.
• Қате тапсаңыз (бөгде мақала, кафедра жоқ, бір адамға екі профиль) — жүйе әкімшісіне профиль сілтемесін және нені түзету керектігін жазыңыз.

ORCID

• CRIS профиліңізде ORCID көрсетілсе, осы ORCID-пен ашық дереккөздердегі жарияланымдар деректер жаңартылғанда сізге автоматты түрде байланады.
• Профильде ORCID жоқ болса — оны әкімшіге жіберіңіз (0000-0000-0000-0000 пішімінде). ORCID-ті orcid.org сайтында тегін алуға болады.

DOI бойынша жарияланым қосу

Әкімші сізге жазба қосу құқығын берген жағдайда қолжетімді (сабақта — оқу коллекциясына).

1. Кіріңіз. Пайдаланушы мәзірі → «Менің кабинетім» → «Сыртқы көзден метадеректерді импорттау» (немесе https://cris.qyzpu.kz/import-external?entity=Publication).
2. Crossref немесе OpenAlex Search by DOI көзін таңдап → DOI енгізіп → «Іздеу».
3. Табылған жазбаны басыңыз → «Жіберуді бастау» → коллекцияны таңдаңыз.
4. Пішінді тексеріп, жетіспейтінін толықтырып → «Депозит».

Алдымен мақаланы CRIS-тен DOI бойынша іздеңіз: университеттің жарияланымдарының барлығы дерлік жүктелген.